🌹🌹🌳 _*"ऊसतोड कामगार"*_ 🌳🌹🌹
**************************************
_तीन शेवऱ्याची असे हो कोपी,_
_ऊसाच्या बांड्यांचे असे हो दार !_
_ऊस तोडण्या फिरती राना,_
_आम्ही असे ऊसतोड कामगार !!_
_घेऊन कोयता तोडून उसा,_
_साळून काढती उसाला !_
_तोडुन शेंडा उसाच्या बांड्या,_
_खाऊ घाली सख्या बैलाला !!_
_म्हातारी माणसं ठेऊन घरा,_
_फिरती ऊसतोड कामाला !_
_बायका पोरं घेऊन फिरती,_
_कष्टच असती वाट्याला !!_
_टीचभर पोटा भूक भागण्या,_
_कोयता घेऊन राबत फिरी !_
_खाऊन मिरची ठेचा भाकरी,_
_बैलघाण्या सम कष्टकरी !!_
_करता कष्ट टिपकती घाम,_
_सपसप वार करी उसाशी !_
_मळकट सदरा फाटकी चड्डी,_
_मफलर बांधी डोक्याशी !!_
_ऊसतोड कामगारांचे हाल,_
_आता तरी थांबतील काय !_
_माणुस म्हणुन जगण्या हक्क,_
_कोणी आम्हा देईल काय !!_
_पाचटाच्या कोपीतील पिढी,_
_बंगल्यात वास्तव्य करील काय !_
_शिक्षणाचे बाळकडू आमच्या,_
_ऊसतोड बालका मिळेल काय !!_
_उसास असती कांडीला डोळे,_
_त्यास तरी कीव येईल काय !_
_ऊसतोड कामगारांचा अन्याय,_
_गोड ऊस तरी दूर करील काय !!_
_मायबाप असे सरकार आमचे,_
_तुम्हा कीव आमची येईल काय !_
_रक्त आटवून गळणाऱ्या घामा,_
_मोल आम्हास मिळेल काय !!_
_मानवानेच आता व्हावे शहाणे,_
_यांत्रिक ऊसतोड घ्यावी हाती !_
_सजीव मानवाचे थांबवू कष्ट,_
_करुया आपण यांत्रिक शेती !!_
🌹🌹🌳🌳🌲🌹🌲🌳🌳🌹🌹
_*कवी:- जी.पी.खैरनार, नाशिक*_
_९४२१५११७३७ / ७०८३२३४०२१_
Photo Credit: Respect Owner
