त्र्यंबकश्वर|प्रतिनिधी| दरवर्षीप्रमाणे यंदाही भव्य दिव्य शिवजयंती साजरी करण्याच्या उद्देशाने त्र्यंबकेश्वर शिवजन्मोत्सव समितीच्या कार्यकारणीची बैठक नुकतीच झाली. याबैठकीत समितीच्या शहराध्यक्षपदी पुरुषोत्तम कडलग यांची तर तालुकाध्यक्षपदी मनोहर महाले यांची एकमताने निवड घोषीत करण्यात आली.
येथील सुखसागर हॉटेल येथे शनिवारी समितीची बैठक पार पडली. २०२५ छत्रपती शिवराय जन्मोत्सव समितीची बैठक पुरुषोत्तम कडलग यांच्यासह मान्यवरांच्या उपस्थिती झाली. यामध्ये शिवजयंती साजरी करण्याबाबत उहापोह करण्यात आला. त्यात विविध सामाजिक, प्रबोधनात्मक उपक्रमाविषयी चर्चा झाली. शिवजयंती दरम्यान शिवरायांचे विचार घराघरात पोहोचविण्यासाठी शोभायात्रा काढून यादरम्यान ध्वज पथक, युवा जल्लोष ढोल पथक, भजनी मंडळासह विविध प्रात्यक्षिक पथके, शिवकालीन देखावे तथा सजावटी आदी रूपरेषा मान्यवरांच्या उपस्थितीत ठरवण्यात आली.
तसेच नवीन कार्यकारिणी घोषित केली यामध्ये तालुकाध्यक्ष मनोहर महाले, कार्याध्यक्ष विजय वायकंडे, उपाध्यक्ष राजाभाऊ चव्हाण, खजिनदार रवी अण्णा वारुंसे, शहराध्यक्ष पुरुषोत्तम कडलग, कार्याध्यक्ष परशुराम पवार, उपाध्यक्ष प्रशांत तुंगार, खजिनदार भूषण भोई, सरचिटणीस ग्रामीण गणेश चव्हाण, सरचिटणीस शहर राजू माळी, नवनाथ भाऊ कोठुळे, पुरुषोत्तम लोहगावकर, सुनील काका आडसरे, किरण काका आडसरे, पिंटू तुंगार, दीपक लोखंडे, भूषण आडसरे, कैलास मोरे, अजय निकम शिवाजी कसबे रावसाहेब कोठुळे, युवराज कोठुळे, दिलीप काळे यांसह मोठ्या संख्येने राजकीय सामाजिक व गावातील नागरिक पदाधिकारी उपस्थित होते.
